Wednesday, March 17, 2010

സൈന്‍ ഓഫ് സെവെന്‍

1995 97 കാലഘട്ടം.ഒരു പുതുവിദ്യാര്‍ത്ഥിയായി ആറ്റിങ്ങള്‍ ഗവണ്മെന്റ് ഐ.ടി.ഐ ല്‍ കാലുകുത്തുമ്പോള്‍ സത്യത്തില്‍ ഒരു പേടി ഇല്ലാതിരുന്നില്ല.കാരണം അത്ര നല്ല കഥകളാണു ഐ.ടി.ഐക്കാരെകുറിച്ചു പുറത്തു കേട്ടിട്ടുണ്ടായിരുന്നതു.ആദ്യദിവസങ്ങളില്‍ കുഴപ്പമൊന്നുമില്ലായിരുന്നു.ഇത്രയ്ക്കു മര്യാദക്കാരായ കുട്ടികളെയാണോ ഭീകരരായി ചിത്രീകരിച്ചിരുന്നതു. പക്ഷേ ഒന്നുരണ്ടു ദിവസം കൊണ്ട് ആ ധാരണ എല്ലാം എനിക്കു തിരുത്തേണ്ടി വന്നു.അടിയും സമരവും ആകെകൂടി ഒരു ഉത്സവമേളം തന്നെ എന്നും.MRAC.അതായിരുന്നു എന്റെ കോഴ്സ്.പെട്ടന്നു തന്നെ ധാരാളം സുഹൃത്തുക്കളെല്ലാമായി.അങ്ങനെ ഒന്നു രണ്ടു മാസങ്ങള്‍ കഴിഞ്ഞപ്പോഴാണ് ഒരു പുതിയ ഐഡിയ ഉരുത്തിരിഞ്ഞുവന്നതു.ഒരു പുതിയ സൌഹൃദ സംഘടനയുണ്ടാക്കുക.അതിന്റെ ഉപജ്ഞാതാവ് ആരാണെന്നു കൃത്യമായി എനിക്കറിയില്ല.ഞാനായിരുന്നു എന്നെങ്ങാനും തട്ടിവിട്ടാല്‍ ഇതു വായിക്കുന്ന എന്റെ മറ്റു കൂട്ടുകാര്‍ വണ്ടിപിടിച്ചുവന്നെന്നെ തല്ലും.എന്തിനാ പുലിവാല്.സംഘടനയ്ക്കൊറു പേരു വേണമല്ലോ.സന്‍ജുവാണ് സൈന്‍ ഓഫ് സെവെന്‍ എന്ന പേരു നിര്‍ദ്ദേശിച്ചതു.പുള്ളിക്കാരന്‍ ഷെര്‍ ലോക് ഹോംസ് കഥകളുടെ അഡിക്ടായിരുന്നു.അതിലെ ഒരു കഥയുടെ പേരു പരിഷ്കരിച്ചാണു സൈന്‍ ഓഫ് സെവെന്‍ എന്നിട്ടതു.

കല്ലു എന്നു വിളിക്കപ്പെടുന്ന സുഷാദ്,മമ്മൂട്ടി എന്നറിയപ്പെടുന്ന സന്‍ജു,പിച്ചക്ക് എന്ന ബിജുകുമാര്‍,തടിയനാണെങ്കിലും ലോലഹൃദയനായ നിസാം,റോമേഷ്,ലൂക്കോസ് എന്നീ സ്റ്റൈല്‍ മന്നമ്മാര്‍ പിന്നെ വെറും പാവവും സര്‍വ്വോപരി നല്ലവനും മാത്രമായിരുന്ന ഞാനും ചേര്‍ന്നതായിരുന്നു സൈന്‍ ഓഫ് സെവെന്‍ എന്ന ഞങ്ങളുടെ സംഘടന.വര്‍ക്ക്ഷോപ്പിലിടുന്നതിനായി തന്ന യൂണീഫോം ഒരു പ്രത്യേകരീതിയില്‍ തയ്പ്പിച്ച് എല്ലാവരുടെയും പോക്കറ്റില്‍ ഒരു എംബ്ലവും വരച്ചുചേര്‍ത്തു ആകെകൂടി ജഗപൊകയായ ഒരു സംഘടന.ലെജാദാസ്, രാജേഷ് തുടങ്ങി ഒന്നു രണ്ടുപേര്‍‍കൂടിയുണ്ടായിരുന്നു.പക്ഷേ ആക്റ്റീവല്ലായിരുന്നു എന്നു മാത്രം. ഐ.ടി.ഐലെ മുടിചൂടാമന്നമ്മാരായിരുന്നു ഞങ്ങള്‍ എന്നു പറയുന്നതുകൊണ്ട് മറ്റൊന്നും കരുതരുത്.അതൊരു നഗ്നസത്യം മാത്രമായിരുന്നു.അല്ലെന്നാക്ഷേപമുള്ളവര്‍ ഇതു നുണയാണെന്നു കരുതി വായിക്കണ്ട.അത്ര തന്നെ.എന്തിനും ഏതിനും എപ്പോഴും യുദ്ധസന്നദ്ധര്‍.അതായിരുന്നു സൈന്‍ ഓഫ് സെവെന്‍.ഞങ്ങളുടെ നേതൃത്വത്തില്‍ എന്തെല്ലാം നടത്തിയിരിക്കുന്നു.ഇനി അതൊന്നും വിവരിക്കാനൊന്നും സമയമില്ല.അല്ലെങ്കിലും സ്വയം പുകഴ്ത്തിപ്പറയുന്നതു ഞങ്ങളുടെ സംഘടനയുടെ രീതികള്‍ക്കെതിരാണു.സോറി ജെന്റില്‍മെന്‍സ്.

ഒരാഴ്ചനീണ്ടുനില്‍ക്കുന്ന സേവനവാരകാലത്ത് കാടുപിടിച്ചുകിടന്ന ഐ ടി ഐ പരിസരം മുഴുവന്‍ സൈന്‍ ഓഫ് സെവെന്‍ മുന്‍ കയ്യെടുത്തു വൃത്തിയാക്കി കുട്ടപ്പനാക്കിയതോടെ ഐ ടി ഐ ല് ഞങ്ങള്‍ ഫേമസായി എന്നതാണു സത്യം.മുമ്പ് MRAC-ക്കാര്‍ എന്നു കേട്ടാലേ കലിപിടിച്ചിരുന്ന വൈസ് പ്രിന്‍സിപ്പാളും പിന്നെ മറ്റു ചില സാറമ്മാരും ഞങ്ങളെ കാണുമ്പോള്‍ ഒരു ചെറുപുഞ്ചിരി പൊഴിക്കുവാന്‍ തുടങ്ങി.അതു വളരെപെട്ടന്നു തന്നെ മാറുകയും ചെയ്തു.വളരെ വിശാലമായ പറമ്പുള്ള കാമ്പസ്സില്‍ ധാരാളം തെങ്ങുകളുണ്ടായിരുന്നു.അതിലെ ഇളനീരുകളെല്ലാം ഞങ്ങളുടെ ഇരയായിതീരുകയാണു പതിവ്.പിന്നെ തേങ്ങയും അടയ്ക്കയും അടത്തു അടുത്തുള്ള മാര്‍ക്കറ്റില്‍ കൊണ്ടുകൊടുക്കുന്ന ചില വിരുതമ്മാരും ഉണ്ടായിരുന്നു. അടിപിടികള്‍ക്കും സമരമുണ്ടാക്കുന്നതിനും എല്ലാം മുന്‍പന്തിയില്‍ നില്‍ക്കാന്‍ തുടങ്ങിയതോടെ വളരെപെട്ടന്നു തന്നെ സൈന്‍ ഓഫ് സെവെന്‍ വി.പിയുടേയും മറ്റും കണ്ണിലെ കരടായി മാറി.നിരവധിപ്രാവശ്യം ഞങ്ങളില്‍ പലര്‍ക്കും വാര്‍ണിംഗ് കിട്ടി.പലപ്പോഴും ക്ലാസ്സില്‍ നിന്നും കാമ്പസ്സില്‍ നിന്നും ഒഅരാഴ്ചത്തേയ്ക്കും മറ്റും പുറത്താക്കുകയും ചെയ്തു. യാതൊരുവിധ കുഴപ്പവുമുണ്ടാക്കില്ല എന്നു ഉറപ്പുനല്‍കിയിട്ടാണ് പിന്നീട് ക്ലാസ്സില്‍ കയറിയതു.


അങ്ങിനെയിരിക്കേ ഒരു നാള്‍......


അടുത്ത ലക്കത്തില്‍ തുടരും...

8 comments:

  1. കോനന്‍ ഡോയലിന്റെ സൈന്‍ ഓഫ് സെവനെ പറ്റി ആകും എന്ന് തന്നെ ആണ് ഞാനുമോര്‍ത്തത്

    ReplyDelete
  2. കോനല്‍ ഡോയലിന്റെ കഥയുടെ പേര് സൈന്‍ ഓഫ് ഫോര്‍ എന്നായിരുന്നു.അതു നമ്മള്‍ അല്‍പ്പം മാറ്റി.

    ReplyDelete
  3. അക്ഷയ് കുമാറിനെയും സൈഫ് അലി ഖാനെയും നീ മറന്നതാണോ അതോ വിട്ടു പോയതോ?

    ReplyDelete
  4. ശരിയാ... ഹോംസ് കഥകള്‍ എല്ലാം വായിച്ചിട്ടുണ്ട്. എന്നിട്ട് പോലും തെറ്റിപ്പോയി :)

    ReplyDelete
  5. You should have included your love in between.....

    Do u still remember that ONAM dialogue from one of your frnd(ONAM ADI POLIYAYIRUNNU...ha haaa)

    Ohh my god, i still remember those days.

    Come on dude, elaborate the story with all the funs.

    Cheers,
    Deepu

    ReplyDelete
  6. "'Klopp reveals the team is not playing well>> Happy to got three points"

    ReplyDelete